Agar aapka account State Bank of India mein hai to aapko YONO SBI app ka istemaal zaroor karna chahiye. Agar aapko nahi pata hai ki YONO SBI app kya hai, to hum aapko bata dena chahte hain ki YONO, State Bank of India dwara banaya gya ek Mobile Banking app hai. Is app ki madad se aap Banking, Investing aur Shopping teeno hi kar sakte hain.
Agar aapko Mobile Banking ke baare mein adhik jaankari chahiye to humaare is article ko zaroor padhen.
Is article mein hum aapko batayenge ki YONO SBI app ke liye kaise register karte hain, jisse ki aap SBI ki Mobile Banking sevaon ka laabh le sakte hain.
YONO SBI app ke registration ke liye aapke paas State Bank of India (SBI) ki Internet Banking ID aur Password hona chahiye, ya phir State Bank of India ka Debit/ATM Card hona chahiye, tabhi aap YONO SBI app ke liye register kar payenge. 
Yahan hum Internet Banking ka User Name aur Password ka istemaal karke YONO SBI app ke liye kaise register karte hain yeh aapko batayenge. To iske liye aapke paas State Bank of India ki Internet Banking ka User Name aur Password hona chahiye, tabhi aap humaare dwara bataye jaane wale steps ko follow kar payenge. 
To YONO SBI app ko activate/register karne ke liye aapko kuch simple se steps follow karne honge.
Sabse pehle aap App Store se YONO SBI app, apne mobile phone mein download karke install kar lijiye.
Iske baad usko open kar lijiye aur in steps ko follow karte jaiye.



Step 1: YONO SBI app ko open karne ke baad aapko do (2) options dikhayi denge 'New to SBI' aur  'Existing Customer' to aapko doosre wale option  'Existing Customer'  ko choose karna hoga. Kyunki aap tabhi YONO SBI app ke liye register kar payenge jab aap State Bank of India ke moujooda grahak honge. Agar aap 'New to SBI' par click karte hain to iska matlab hai aapke paas abhi SBI mein account moujood nahi hai. Aur aise mein pehle aapko SBI mein apna account kholna hoga tabhi aap YONO SBI ke liye register kar payenge.



Step 2: 'Existing Customer' par click karne ke baad aap se poocha jayega ki 'Kya aapke paas SBI Internet Banking ID hai?' to agar aapke paas SBI Internet Banking ID hai to aapko 'Yes' par click karna hoga. Agar nahi hai to 'No' par click kar sakte hain.


Agar aap 'No' par click karte hain to aapko apne SBI ke ATM Card se YONO SBI app ke liye register karna hoga. Lekin yahan hum ATM Card se YONO SBI ke liye register nahi karenge, balki iske liye hum Internet Banking ID ka istemaal karenge.



Step 3: Step 2 mein humen 'Yes' par click karna hoga, tabhi hum SBI ki Internet Banking ka istemaal karke YONO SBI ke liye register karenge. 'Yes' par click karne ke baad yahan aapse 'User Name' aur 'Password' poocha jayega. to aapko yahan par apne SBI ki Internet Banking ka User Name aur Password dena hoga. Yahan aapse 'Referal Code' bhi maanga jaa raha hai, lekin yeh optional hai aur yeh dena zaroori nahi hai. To agar aapke paas 'Referal Code' hai to aap Referal Code bhi de sakte hain, aur nahi hai to isko chhod bhi sakte hain. Bas aapko yahan par apne Internet Banking ka User Name aur Password fill karna hoga aur fill karne ke baad 'Submit' par click karna hoga.




Step 4: 'Submit' par click karne ke baad aapse kuch cheezon ko lekar aapki sahmati maangi jayegi, to aap isko acche se padhkar inke 'Terms and Conditions' par check mark ✔ lagakar 'Next' par click kariye.
Step 5: 'Next' par click karne ke baad aapko apna 'MPIN' set karna hoga. Yahan aap apni marzi se koi sa bhi MPIN set kar sakte hain. MPIN set karne ke baad 'Next' par click karna hoga.



'Next' par click karte hi aapke bank account se registered mobile number par ek OTP bheja jayega. Yahan par aap se wahi OTP maanga jayega aur aapko yahan woh OTP daalkar 'Next' par click karna hoga.






Step 6: 'Next' par click karne ke baad YONO SBI app register/activate ho jayega. Ab bas aapko login karna hai, login karne ke liye aap apne MPIN ka istemaal kar sakte hain ya phir apne Internet Banking ki User ID aur Password ka bhi istemaal kar sakte hain.




Login ho jaane ke baad kuch is tarah ka interface hoga YONO SBI app ka.


Yeh Bhi Padhen: