Agar aapne Axis Bank ka online ASAP khola hai to aapko is account mein ek physical Debit Card bhi diya jaata hai. Yeh aapki marzi hai ki agar aap is Debit Card ko lena chaahen to iske liye account kholne ke baad aap request bhi kar sakte hain. Yeh Debit Card Visa Platinum hota hai, aur iska naam Online Rewards hai ismein aapko paise spend karne par eDGE naam se reward points milte hain.
Is Debit Card ki limit daily Rs. 50,000 withdrawal karne ki hai aur RS. 4,00,000 online shopping karne ki hai.
Is Debit Card ko issue karane ki fees 300 + GST hai. Aur is Debit Card ki annual fees 500 + GST hai, jo ki doosre Debit Cards ki tulna mein bahut zyada hai. Dekha jaaye to yeh Debit Card doosre Debit Cards se bahut mahenga hai kyunki iski fees bahut zyada hai. Isliye bahut se log is Debit Card ko nahi lena chahte hain, aur woh Virtual Debit Card ka istemaal karte hain. Lekin kahin na kahin humen physical Debit Card ki zaroorat pad hi jaati hai kyunki Virtual Debit Card ko sirf online hi use kiya jaa sakta hai. Aur dekha jaaye to ASAP account mein humen koi doosra Debit Card provide bhi nahi karaya jaata hai, isliye majbooran humen yeh mahenga wala Debit Card lena pad jaata hai. Kuch log ghalti se is Debit Card ko manga lete hain aur baad mein unko pashtaava hota hai ki unhe yeh Card nahi mangana chahiye tha.

Kyunki har saal unko is Debit Card ke liye Rs. 500 dena hoga, isliye woh is Debit Card ko Replace karke iski jagah doosra Debit Card lena chahte hain, jo isse sasta ho.
Aisi bahut si wajhen hoti hain jab humen apna Debit Card block karna padta hai aur Replace karna padta hai. Jaise agar aapka Debit Card kahin gum ho gya, ya chori ho gya, ya phir Debit Card ki details jaise Debit Card Number, CVV, Expiry Date, Debit Card holder's name etc. agar kisi doosri vyakti ko mil gayin to aapke sath bada fraud ho sakta hai aur aapke account ka paisa bhi nikala jaa sakta hai.
Isliye aisi situation mein humen apna Debit Card block kar dena chahiye. Aur uski jagah koi doosra Debit Card le lena chahiye.
Iske alawa agar aapko Debit Card ki fees zyada lagti hai tab bhi aap apna Debit Card Block karke Replace karte hain.
To is article mein main aapko batane wala hoon ki aap kaise ASAP Account mein milne wale Visa Platinum Online Rewards Debit Card ko block kar sakte hain, aur uski jagah doosra Debit Card kaise paa sakte hain. Apne Axis Bank ke Visa Platinum Online Rewards Debit Card ko block karne ke liye aur replace karne ke liye aapko yeh simple se steps follow karne honge. Yaad rahe ki yeh sabhi process online hoga aur iske liye aapko bank branch jaane ki zaroorat nahi hogi, bas aapke paas ek Smartphone hona chahiye aur Internet Connection.

Step 1: Sabse pehle aapko apne Mobile Phone mein 'Axis Mobile' app open karna hoga jisse ki aapne apna Axis ASAP Account khola hai. Uske baad aapko 'Login' par click karna hoga, aur apna mPIN dalna hoga.



Step 2: 'Login' hone ke baad aapko bahut saare features, functions aur options nazar aayenge. Neeche ki taraf aapko 'Services' ka option nazar aayega, aapko ispar click karna hoga, jaisa ki aap picture mein dekh sakte hain.



Step 3: 'Services' par click karne ke baad aapko phir se kai saare options dikhai denge. Lekin aapko 'Debit Cards' par click karna hai. 



Step 4: 'Debit Cards' par click karne ke baad aapko phir se kai options nazar aayenge. Lekin aapko 'Block & Replace Debit' par click karna hai.



Step 5: 'Block & Replace Card' par click karne ke baad aapko apna Debit Card select karna hai. Yeh sabhi Debit Cards same hi honge bas inke Numbers alag-alag honge. Yeh sabhi Debit Cards 'International ChipCard' honge.



Step 6: Debit Card select karne ke baad aapko 'BLOCK & REPLACE' par click karna hoga.



Step 7:  'BLOCK & REPLACE' par click karne ke baad aapke saamne ek popup aayega jismein jaankari di jayegi ki Card Replacement ki Rs. 200 fees charge ki jayegi, to agar aapko apna Debit Card replace karna ho to aapko 'Confirm' par click karna hoga.



Step 8: 'Confirm' par click karne ke baad aapse aapka mPIN maanga jaayega to aapko yahan apna mPIN dalna hoga.



'mPIN' dalne ke baad aapki screen par message aa jayega ki aapka Debit Card block kar diya gya hai. Aur aapko aapka naya Debit Card jaldi hi mil jayega.


Aapko bata den ki aapko jo naya Debit Card milega woh ek chip enabled card hoga. Naya Debit Card bhi Domestic & International Debit Card hoga, yaani ki aap is Debit Card ko India mein bhi use kar sakte hain aur doosre deshon mein bhi use kar sakte hain. Lekin International Debit Card sirf India mein rahne wale customers ko hi milega, NRO yaani baahar deshon mein rahne wale customers ko Domestic Card diya jaayega.